Prezident Shavkat Mirziyoev Rossiyaning Moskva viloyatidagi "Krokus Siti Xoll" kontsert zalida sodir bo'lgan fojia oqibatida o'nlab begunoh insonlar qurbon bo'lgani va jiddiy jarohat olgani munosabati bilan Prezident Vladimir Putinga chuqur ta'ziya yo'lladi.
Maktubda O'zbekiston tinch aholiga qarshi qaratilgan bu terrorchilik harakatini qat'iy qoralashi hamda mazkur jinoyat tashkilotchilari va ijrochilariga jazo muqarrarligi ta'minlanishiga ishonch bildirilgan.
Davlatimiz rahbari vafot etganlarning yaqinlariga bardamlik, barcha jarohat olganlar tez fursatda sog'ayib ketishini tiladi.
