Mashgʻulotlar Rossiya va Belarus davlat harbiy xizmatchilari oʻrtasida oʻtkazilmoqda. Undan koʻzlangan maqsad harbiy texnikalarning jangovor holatini tekshirish va ikki davlatning hududiy yaxlitligini taʼminlashga qaratilgan.
– Mashqlar davomida ikki davlat qurolli kuchlari, strategik boʻlmagan yadro qurollaridan foydalanish boʻyicha birgalikda mashgʻulotlar olib boradi. Shuningdek, yadroviy texnikalarni jangovor shay holatga keltirish masalalari ishlab chiqiladi, – deyiladi mudofaa vazirligi xabarida.
Avvalroq, Rossiya prezidenti Vladimir Putin harbiylarga Rossiya hududi boʻylab taktik yadroviy qurollarni joylashtirishni buyurgan edi.
