Mudofaa vazirligi maʼlumotlariga koʻra, Rossiya boʻylab Qurolli Kuchlar harbiy politsiyasining “Straj-2020” maxsus mashqlari boshlanadi.
"Jangovar tayyorgarlik rejasiga binoan, 18-21-avgust kunlari Rossiya Federatsiyasi Mudofaa vazirligi Harbiy politsiyasi bosh boshqarmasi boshligʻi general-polkovnik Sergey Kuralenko rahbarligi ostida Rossiya Federatsiyasi boʻylab Qurolli Kuchlar harbiy politsiyasining “Straj-2020” maxsus mashqlari oʻtkaziladi. Mashqlarda uch harbiy okrug va Shimoliy flotning qoʻmondonlik va nazorat organlari va harbiy politsiya boʻlinmalari ishtirok etadi”, — deyilgan RIA Novosti xabarida.
Taʼkidlanishicha, oʻquv mashgʻulotlarida bu yil harbiy politsiya boʻlinmalariga kirgan zamonaviy qurol va harbiy texnikaning imkoniyatlari sinab koʻriladi.
«Jami mashqlarda 2500dan ortiq harbiy xizmatchi va 500 ga yaqin avtotexnika ishtirok etadi», deyiladi xabarda.
