Indoneziyaning Bali shahrida oʻtkazilayotgan qilichbozlik boʻyicha Osiyo chempionatida Oʻzbekiston terma jamoasi navbatdagi medalga ega chiqdi.
Qayd etilishicha, sablya boʻyicha boʻyicha ayollar terma jamoamiz bronza medalini qoʻlga kiritishdi.
Saralashda Xitoy Taipeyi, Gonkong jamoalarini magʻlub etgan qizlarimiz yarim finalda Janubiy Koreyaga 42:45 hisobida imkoniyatni boy berishdi. Uchinchi oʻrin uchun bahsda esa xitoylik raqibalaridan 45:43 hisobida ustun keldilar.
Turkiyaning Istanbul shahrida qilichbozlikning sablya yoʻnalishi boʻyicha Satellite tasnifidagi musobaqa oʻtkazildi. Unda ishtirok etgan Oʻzbekiston terma jamoasi aʼzolaridan Musa Aymuratov bronza medali bilan taqdirlandi.
Xitoyning Usi shahrida qilichbozlik boʻyicha oʻsmirlar va yoshlar oʻrtasidagi jahon chempionatining jamoaviy dasturida ishtirok etgan sablyachi yoshlarimiz qizlar va yigitlar oʻrtasidagi dasturlarda bronza medallariga sazovor boʻldi.
