Saida Mirziyoyeva vitse-prezidentni Turkmaniston Betarafligining 30-yilligi bilan samimiy tabriklagan. Uchrashuvda gumanitar hamkorlikni rivojlantirish, ijtimoiy tashabbuslarni qoʻllab-quvvatlash, bolalikni himoya qilish sohasida tajriba almashish masalalari muhokama qilingan.
Oʻzbekiston va Turkmaniston prezidentlarining yaqinda oʻtgan muzokaralarining samarali natijalari, jumladan, Shovot-Toshhovuz savdo zonasi ochilgani alohida taʼkidlandi.
“Birgalikda jamgʻarma koʻrgazmasi va tibbiyot klasteri loyihalari bilan tanishdik, hamkorlikni davom ettirish va qoʻshma tashabbuslarni amalga oshirishga tayyor ekanimizni tasdiqladik”, deydi Saida Mirziyoyeva.
