Bir necha kun oldin 36 yoshli Sh.N. oʻzi bilan birga 2024-yildan sharʼiy nikohda boʻlgan T.D.ning 6 yashar oʻgʻlini yashash xonadoni hovlisida kamar bilan kaltaklagan.
Samarqand viloyati Toyloq tumanida bolaga nisbatan zoʻravonlik qilgan shaxsga nisbatan 28-iyun kuni Jinoyat kodeksining 110-moddasi 2-qismi “a” bandi (qiynash) bilan jinoyat ishi qoʻzgʻatilib, hozirda dastlabki tergov olib borilmoqda.
Bolaga nisbatan bu kabi zoʻravonlikka yoʻl qoʻyganlar kim boʻlishidan qatʼi nazar, tegishli javobgarlikka tortilishi shart. Bola davlat va qonun himoyasida, — deyiladi xabarda.