Buning uchun 0,7 million dollar yoki 7,6 milliard soʻm mablagʻ sarflanadi. Natijada joriy yilda 500 ta elektr dvigatelli yuk mototsikllari bozorga chiqariladi.
Eslatib oʻtamiz, mazkur korxona hozirda 200 sm/kub dvigalli uch gʻildirakli "ELDOSH EL-200” rusumli mototsikllarini ishlab chiqaradi. Bunday mototsiklni 20-21 million soʻmga sotib olish mumkin. Elektr dvigatelli mototsikllarning narxi qancha boʻlishi hozircha maʼlum qilinmagan.
“ELXOLDING” korxonasida, shuningdek, interaktiv sensor panellar ishlab chiqarish ham yoʻlga qoʻyilmoqda. Yiliga 5 ming dona sensor panellar ishlab chiqarish quvvatiga ega ushbu loyiha qiymati 41,4 milliard soʻmni tashkil etadi.
