Bosh prokuratura tomonidan energiya resurslarni talon-toroj qilishning oldini olishga qaratilgan nazorat tadbirlari oʻtkazilmoqda.
Qayd etilishicha, Samarqand viloyati Pastdargʻom tumanidagi “Yu.M.A” MCHJ rahbari M.Yu. novvoyxonani gaz tarmogʻiga noqonuniy ravishda ulab, jami 621,8 mln. soʻmlik tabiiy gazni oʻgʻirlagani aniqlandi.
Mazkur holat yuzasidan jamiyat rahbariga nisbatan Jinoyat kodeksining 169-moddasi 4-qismi “a” bandi bilan jinoyat ishi qoʻzgʻatilib, gumonlanuvchi protsessual tartibda ushlangan.
Samarqandning Ishtixon tumanida yertoʻlada joylashgan 89 ta mayning qurilmasi elektr tarmogʻiga noqonuniy ulanishi oqibatida qariyb 30 mlrd soʻm zarar yetkazildi.
Sariosiyo tumanida “Aeroport” mahallasida istiqomat qiluvchi fuqaro X.M. xonadonida faoliyat yuritayotgan “sauna” gaz quvuriga hisoblagichsiz oʻgʻrincha ulanib olgani aniqlandi.
