Tomonlarning diqqat markazida qishloq xoʻjaligi sohasidagi hamkorlikni kengaytirishning joriy masalalari va istiqbollari boʻldi.
Oʻzbekiston tomoni Saudiya Arabistonilik hamkorlarining tajribasi jalb etilishi rejalashtirilgan aniq yoʻnalishlarni taklif qildi. Xususan, soʻz agrar sohada innovatsiyalarni joriy etish va taʼlim tizimini takomillashtirish loyihalari haqida bordi. Soha doirasidagi barcha ilmiy-tadqiqot institutlarining oʻzaro hamkorligini faollashtirish maqsadida Oʻzbekiston Qishloq xoʻjaligida bilim va innovatsiyalar Milliy markazi (AKIS) va Saudiya Arabistonining Barqaror qishloq xoʻjaligi Milliy ilmiy-tadqiqot markazi oʻrtasida hamkorlik oʻrnatish toʻgʻrisida kelishuvga erishildi, deb xabar beradi Investitsiyalar va tashqi savdo vazirligi matbuot xizmati.
Muzokaralar yakunida tomonlar Saudiya Arabistoni kompaniyalarini Oʻzbekiston bilan qoʻshma loyihalarni ishlab chiqishga jalb etish boʻyicha saʼy-harakatlarni birlashtirishga kelishib oldilar. Bu shubhasiz Oʻzbekistonda yuqori sifatli qishloq xoʻjaligi mahsulotlarini ishlab chiqarish va keyinchalik Saudiya Arabistoniga eksport qilish uchun yaxshi imkoniyat yaratadi.
