Senatorlar maishiy chiqindilar xizmatlari boʻyicha toʻlov intizomini taʼminlashdagi amaliyot va dolzarb muammolarni muhokama qildilar.
Amaliyotda esa bir qator dolzarb muammolar yuzaga kelmoqda. Jumladan:
- “Hududiy elektr tarmoqlari” AJning “HET” mobil ilovasida aholiga maishiy chiqindilar xizmati boʻyicha qarzdorlik haqida maʼlumotlar aks etmayapti;
- “Toza makon” elektron billing tizimi bilan “Hududiy elektr tarmoqlari” AJning billing tizimi oʻrtasida toʻliq integratsiya taʼminlanmagan;
- Ayrim isteʼmolchilarda chiqindi xizmati boʻyicha shartnoma mavjud emas;
- Abonent hisob raqamlarida noaniqliklar bor.
Bunday holatlar jamoatchilik orasida turli savollar va tashvishlarga sabab boʻlmoqda.
Yuqoridagi kamchiliklarni inobatga olgan holda, Senat qoʻmitasi tomonidan Ekologiya, atrof-muhitni muhofaza qilish va iqlim oʻzgarishi vazirligi hamda Energetika vazirligiga maʼlumotlar almashinuvi jarayonidagi muammolar yuzasidan aniq maʼlumot taqdim etish va ularni bartaraf etish boʻyicha amaliyotga doir takliflar tayyorlab berish soʻraldi.
