Tashrif davomida delegatsiyamiz vakillari turli mavzudagi debatlarda, sessiyalarda ishtirok etyapti.
Jumladan, senator Oral Ataniyazova Parlamentlararo ittifoqning “Salomatlik hamma uchun” dasturi sessiyasida maʼruza bilan ishtirok etdi.
Mazkur dastur global salomatlikni mustahkamlash va barcha odamlar uchun tibbiy xizmatlardan teng foydalanishni taʼminlashga qaratilgan tashabbus hisoblanadi.
Senator oʻz maʼruzasida Oʻzbekiston sharoitida ushbu dastur alohida ahamiyat kasb etishini, mamlakatda sogʻliqni saqlash tizimini modernizatsiya qilish boʻyicha saʼy-harakatlar amalga oshirilayotganini, bu boradagi ishlar Parlamentlararo ittifoqning “Salomatlik hamma uchun” dasturi maqsadlari bilan hamohang ekanligini alohida taʼkidladi.
Shu bilan birga, Senat Raisi boshchiligidagi delegatsiya tashrifning birinchi kuni bir qator uchrashuvlar ham oʻtkazdi, deb xabar beradi Oliy Majlis Senati matbuot xizmati.
