Unda O‘zbekiston Respublikasi Oliy Majlisi Senatining Mudofaa va xavfsizlik masalalari qo‘mitasi raisi, komissiya a’zosi Qutbiddin Burxonov ham ishtirok etdi.
Yig‘ilish davomida bir qator qonunlar loyihalari, MDHga a’zo davlatlarda radioaktiv, kimyoviy moddalar va patogen biologik agentlardan terroristik maqsadda foydalanishga qarshi kurashish borasidagi qonunchilikni yanada takomillashtirish, AKT sohasida qonunbuzarliklarni oldini olish va boshqa bir qator masalalar muhokama etildi.
Komissiya a’zolari ko‘rib chiqilgan masalalar yuzasidan o‘z taklif va mulohazalarini bildirdilar.
O‘zbekiston Respublikasi Oliy Majlisi Senati Axborot xizmati.