Muloqotda Oʻzbekiston va Yuta shtati oʻrtasidagi munosabatlar keyingi yillarda izchil rivojlanib, parlamentlararo aloqalar, taʼlim, iqtisodiyot, sogʻliqni saqlash, gumanitar hamkorlik va inson kapitali salohiyatini oshirish kabi yoʻnalishlarda yangi bosqichga koʻtarilayotgani taʼkidlandi.

Tomonlar Yuta shtati va Oʻzbekiston oʻrtasidagi sheriklik mustahkam amaliy mazmun kasb etayotganini qayd etdilar. Xususan, Yuta shtati vakillari Oʻzbekistonga doimiy tashrif buyurayotgani, ikki tomonlama aloqalarni kengaytirishga boʻlgan qiziqishi ortib borayotgani, shuningdek, taʼlim muassasalari, ishbilarmon doiralar va jamoat tashkilotlari oʻrtasidagi hamkorlik aloqalari mustahkamlanayotgani taʼkidlandi.

Uchrashuv yakunida tomonlar oʻzaro hamkorlikni yanada kengaytirish, oʻrnatilgan aloqalarni institutsional jihatdan mustahkamlash va qoʻshma loyihalarni amalga oshirishda muloqotni davom ettirishga tayyor ekanliklarini bildirdilar. Shuningdek, Oliy Majlis Senati Raisi Tanzila Narbayeva Yuta shtatiga tashrif buyurishga taklif etildi, deb xabar beradi Oliy Majlis Senati matbuot xizmati.