Davlat aktivlarini boshqarish agentligi Toshkent shahar Shayxontohur tumani hokimligi binosini “E-auksion” elektron platformasiga joylashtirildi.
Tuman hokimligi binosi "Oʻrda" mahallasi A. Qodiriy koʻchasida joylashgan boʻlib, umumiy maydoni 7382 kvadrat metrni tashkil etadi.
Shuningdek, hokimlik xodimlari 1-iyulga qadar binoni tark etadi. Ushbu sanadan boshlab xaridor obyektdan foydalanish huquqiga ega boʻladi. Xaridor uning oʻrnida zamonaviy mehmonxona qurishni zimmasiga oladi.
Boshlangʻich bahosi — 101 mlrd soʻm, zakalat miqdori — 3 mlrd soʻm. Arizalar 26-may 09:00 gacha qabul qilinadi, auksion shu kuni soat 10:00 da boʻlib oʻtadi.
