Tadbirda Hindiston Respublikasi, Pokiston Islom Respublikasi, Qirgʻiziston Respublikasi, Qozogʻiston Respublikasi, Rossiya Federatsiyasi, Tojikiston Respublikasi, Xitoy Xalq Respublikasi, Oʻzbekiston Respublikasi tashqi siyosat idoralari axborot xizmatlari hamda SHHT Kotibiyati rahbarlari va vakillari ishtirok etishi kutiladi.
Maslahatlashuvlar kun tartibiga Oʻzbekiston raisligida oʻtkaziladigan tadbirlar, jumladan, Tashqi ishlar vazirlari kengashi, Hukumat rahbarlari kengashi va Davlat rahbarlari kengashi yigʻilishlarini ommaviy axborot vositalarida yoritish masalalari oʻrin olgan. Bundan tashqari, SHHTga aʼzo davlatlar tashqi ishlar vazirliklari matbuot xizmatlarining Tashkilot faoliyatini yoritishda oʻzaro hamkorligini chuqurlashtirish istiqbollari yuzasidan fikr almashiladi, deb xabar beradi Tashqi ishlar vazirligi matbuot xizmati.
