Tashrif doirasida “ACWA Power” kompaniyasi bilan hamkorlikda Shirin energetika kollejida olib borilayotgan ishlar va kelgusidagi rejalar, hamkorlikni yanada kengaytirish uchun yangi loyihalarni joriy etish yuzasidan kompaniya raisi tomonidan oʻquvchilarga maʼlumot berildi.
Shuningdek, uchrashuv davomida kollejning iqtidorli bir guruh talabalariga faxriy yorliqlar hamda esdalik sovgʻalari topshirildi.
Maʼlumot oʻrnida, kollejda elektromontyor, elektr stansiyasi uskunalarini taʼmirlash boʻyicha chilangar, payvandlovchi, axborot vositalari mashinalari va kompyuter tarmoqlari operatori yoʻnalishlari boʻyicha oʻqitish yoʻlga qoʻyilgan boʻlib, kollejni yuqori natijalarda tamomlagan oʻquvchilar “ACWA Power” kompaniyasi oliy oʻquv yurtlarida grant asosida tahsil olishlari va kelgusida ish bilan taʼminlanishlari maqsad qilingan, deb xabar beradi Energetika vazirligi matbuot xizmati.
