Rossiya Federatsiyasi mudofaa vaziri Sergey Shoygu seshanba kuni O‘zbekistonga rasmiy tashrif buyurdi. U bu yerda 28-aprelda O‘zbekiston Respublikasi mudofaa vaziri Bahodir Qurbonov bilan muzokara olib boradi. Muzokaralar Buxoroda bo‘lib o‘tadi.
«Ikki mamlakat qurolli kuchlari rahbarlari xalqaro va mintaqaviy
xavfsizlik muammolarini, shuningdek ikki tomonlama dolzarb harbiy va harbiy-texnik masalalarni muhokama qiladi», — deyiladi Rossiya Federatsiyasi Mudofaa vazirligi xabarida.
Shoygu O‘zbekistonga Tojikistondan keldi. U yerda seshanba kuni Kollektiv xafsizlik shartnomasi tashkiloti(KXShT)ga a’zo mamlakatlar Mudofaa vazirlar kengashi yig‘ilishida ishtirok etgan va Tojikiston Respublikasi mudofaa vaziri Sherali Mirzo bilan ikki tomonlama muzokara olib borgan, deb xabar beradi TASS.
