“Oʻzenergoinspeksiya” AYOQSHlardagi sifatsiz benzin sotilishining oldini olishga qaratilgan nazorat tadbirlari davom etmoqda.

Xususan, Toshkent shahri Yunusobod tumanida joylashgan “S.G.O.” MCHJga qarashli avtomobillarga yoqilgʻi quyish shoxobchasida sotilayotgan avtobenzindan namuna olinib, laboratoriya tahlillaridan oʻtkazilganda AI-92 va AI-95-rusumli avtobenzin davlat standart talablariga mos kelmas(sifatsiz)ligi maʼlum boʻldi.

Bu kabi holat Shayxontohur tumanida joylashgan “E.O.P.” MCHJga qarashli AYOQSHda ham aniqlandi.

Mazkur holatlar yuzasidan qoidabuzarlikka yoʻl qoʻygan ushbu AYOQSHlarda kamchiliklar bartaraf etilgunga qadar birja savdolarida ishtirok etishi vaqtincha toʻxtatildi.