Qayd etilishicha, Toshkent viloyatida oʻtkazilgan nazorat tadbirlarida viloyatda faoliyat olib boruvchi “Blac gold energy” MCHJ (AI-92 hamda AI-95 markali) hamda “Safjmax oil” MCHJ (AI-92 markali)larda sotilayotgan yuqori oktanli avtobenzinlardan olingan namunalarning sifat tahlil natijalari davlat standarti talablariga mos emasligi aniqlandi.
Shuningdek, Samarqand viloyatining Jomboy tumanida joylashgan “Happy oil” MCHJga qarashli AYoQSHda sotilayotgan AI-95 markali avtobenzin yoqilgʻisidan olingan namunalari Toshkent markaziy nazorat-kimyo laboratoriyasida tekshirilganda, mazkur markali avtobenzin sifatsiz ekanligi aniqlangan.
Yuqoridagi aniqlangan holatlarga muvofiq, Qoʻmitaning hududiy boshqarmalari tomonidan “Isteʼmolchilarning huquqlarini himoya qilish toʻgʻrisida”gi Qonun talablari buzilishi alomatlari bilan 3 ta xoʻjalik yurituvchi subyektga nisbatan ish qoʻzgʻatilib, jami 22 mln soʻmga yaqin pul mablagʻlarini isteʼmolchilarga qayta hisob-kitob qilish toʻgʻrisida bajarilishi majburiy boʻlgan koʻrsatmalar berildi.
