Sirdaryo viloyatidagi oliy taʼlim muassasalarida tahsil olayotgan talabalar uchun “Eng faol talaba” mukofoti taʼsis etildi.
Bu haqda Toshkent kimyo-texnologiya instituti Yangiyer filialida yangi oʻquv yili boshlanishi munosabati bilan oʻtkazilgan “Talabalikka bagʻishlov” tadbirida ishtirok etgan viloyat hokimi maʼlum qildi.
Talabgorlarni tanlash va tavsiya etish ishlari jamoatchilik asosida faoliyat yuritadigan “ishchi guruhi” tomonidan amalga oshiriladi va yakuniy natijasi boʻyicha viloyat hokimligiga takliflar kiritiladi. Mukofot puli bazaviy hisoblash miqdorining 10 barobarigacha miqdorida etib belgilangan.
