Uning ochilishiga bagʻishlangan tadbirda viloyat hokimi Akmaljon Maxmudaliyev ishtirok etib, yuqori maoshli IT kasblarni egallash evaziga yoshlarning bandligini oshirish ustuvor yoʻnalishlardan biri ekanini taʼkidladi. Markaz rahbariga “IT Park rezidenti” guvohnomasi topshirildi.
Hozirda bu yerda 6 nafar yigit-qiz ish bilan taʼminlangan. Kelgusida ularning sonini 50 nafarga yetkazish rejalashtirilgan. Yil yakuniga qadar IT xizmatlar koʻrsatish hajmini 100 ming dollarga yetkazish koʻzda tutilgan
Shu yerning oʻzida IT-park rezidentlari, axborot texnologiyalari sohasida faoliyat olib borayotgan yoshlar bilan muloqot boʻldi. Ular oʻzlarining faoliyatlari, yangi loyihalari haqida soʻzlab berdi. Viloyat hokimi yoshlarning fikrlarini eshitib, takliflarini qoʻllab-quvvatlashga tayyorligini bildirdi, deb xabar beradi Sirdaryo viloyat hokimligi matbuot xizmati.
