Bu haqda viloyati Ekologiya boshqarmasi matbuot xizmati xabar berdi.
Qayd etilishicha, viloyatning Mirzaobod tumanida oʻtkazilgan navbatdagi reyd tadbiri davomida fuqaro K.A. hech qanday ruxsatnomasiz noqonuniy ravishda ov quroli bilan 5 dona qirgʻovul otgani aniqlandi.
Ushbu holat yuzasidan Oʻzbekiston Respublikasining Maʼmuriy javobgarlik toʻgʻrisidagi kodeksning 90-moddasi 4-qismi bilan tegishli bayonnoma rasmiylashtirilib, noqonuniy ovchi tomonidan hayvonot dunyosiga yetkazilgan zarar esa 3 million 750 ming soʻm deb belgilandi. Rasmiylashtirilgan bayonnoma, tuplangan hujjat esa Jinoyat ishlari boʻyicha Mirzaobod tuman sudiga chora koʻrish uchun yuborildi.
