Sirdaryo viloyat fizioterapiya va pulmonologiya markaziga AQSH Xalqaro taraqqiyot agentligi (USAID) tomonidan 44 ming dollarlik 42 turdagi zamonaviy tibbiyot uskunalari hamda 2 058 kilogramm oziq-ovqat mahsulotlar jamlanmasi keltirildi.
Gumanitar yordam tarzida keltirilgan tibbiy jihozlar viloyatdagi 12 ta tuman va shahar shifoxonalariga taqdim etilib, sil va sil kasalligi bilan kasallangan bemorlarni davolashda qoʻllanilsa, oziq-ovqat mahsulotlar yaʼni vitamin va minerallar bilan boyitilib quritilgan sabzavotlar va dukkakli mahsulotlar sogʻliqni saqlash va ijtimoiy himoya obyektlarida qoʻllaniladi, deb xabar beradi Sirdaryo viloyat sogʻliqni saqlash boshqarmasi matbuot xizmati.
