Koʻrik-tanlov viloyat yoshlari, shu jumladan oliy taʼlim muassasalari talabalari ishtirokida jamoat xavfsizligi, taʼlim, sogʻliqni saqlash, transport, kommunal va xizmat koʻrsatish sohalarini oʻz ichiga olgan “Smart sity” loyihasi boʻyicha tashkil etildi.
2 kun davom etgan tadbirda ishtirokchilar loyiha doirasida muayyan muammolarni hal qilish va sohalarni raqamlashtirishga oid loyihalarni taqdimot qildilar.
Shuningdek, tadbir doirasida yoshlarning dam olish vaqtlarini maroqli oʻtkazish maqsadida sumo-robotlar jangi musobaqasi ham tashkil etildi.
Koʻrik-tanlov yakunida eng yaxshi loyihalarni taqdim etgan 3 ta jamoa gʻolib deb topilib, ularga viloyat hokimining qimmatbaho sovgʻalari va sertifikatlar topshirildi, deb xabar beradi Axborot texnologiyalari va kommunikatsiyalarini rivojlantirish vazirligi matbuot xizmati.