Solijon SHARIPOV: xorijlik do'stlarimiz O'zbekiston xalqining dunyoqarashi o'zgargani haqida gapiradi

    Bir-necha kun O'zbekistonda bo'lib, keyingi yillardagi o'zgarishlarni o'z ko'zi bilan ko'rgan Rossiya Federatsiyasi qahramoni, kosmonavt, Solijon Sharipov shunday dedi:

    – O'zbekistonda katta o'zgarishlar bo'ldi. Buni faqat men emas, hamkasblarim ham e'tirof etmoqda. Boshqa mamlakatlardan O'zbekistonga kelib ketgan xorijlik do'stlarimiz bilan ham ko'p gaplashib turaman. Ular mamlakatda qurilayotgan mahobatli binolar, uylar, obodonlik ishlari haqida gapirib, O'zbekiston xalqining dunyoqarashi o'zgargani, hayotga qarashlari yangicha ko'rinish tus olgani haqida gapiradi. Bilamiz, bularning hammasi Prezident Shavkat Mirziyoyevning odilona, uzoqni ko'zlab yuritayotgan siyosati samarasida amalga oshyapti. Sirdaryo, Jizzaxdagi o'zgarishlarni, bu erdagi milliy libosdagi qizlar, onaxonlarni ko'rib, o'zbek ashulalarini tinglab, raqslarini tomosha qilib bolaligim yodimga tushdi, o'zimni xuddi qadrdon uyimdagidek his qildim.