O'n yillikdagi o'rtacha harorat sanoatdan oldingi darajadan Selsiy bo'yicha 1,10 darajaga oshdi. Issiqlik natijasida sayyoramizning qutbli va baland tog'li hududlarida muz qoplamining tez erishi kuzatilmoqda.

Butunjahon meteorologiya tashkiloti ekspertlari 1990-yillardan boshlab har o'n yillikda avvalgisidan ko'ra issiqroq bo'lganini ta'kidlashdi. Insoniyat hozirda “muzliklarni qutqarish poygasida yutqazmoqda”.

2016 va 2020-yillar o'tgan o'n yillikdagi eng issiq yillar bo'ldi. 2015-yildan 2020-yilgacha olti yil ketma-ket issiq keldi. Olimlar haroratning pasayishi bilan bog'liq holat kuzatilmayotganini ta'kidlashdi.

Qurg'oqchilik, issiqlik to'lqinlari, toshqinlar va tropik siklonlar kabi ekstremal ob-havo hodisalari xavfi ham ortib bormoqda, deb xabar beradi mir24.tv.