Polaris Dawn missiyasining to'rt nafar ekipaj a'zosi – milliarder Jared Ayzekman, uchuvchi, iste'fodagi AQSh havo kuchlari podpolkovnigi Skott Potit hamda muhandislar Sara Jilliis va Anna Menon SpaceX skafandr kiyishdi. 700 kilometr balandlikdagi quyi Yer orbitasida ular Crew Dragon kemasini germetika qilishdi. Shundan 40 daqiqa o'tgach, Ayzekman 8 daqiqa davomida kema panjarasidan ushlab, lyukdan tashqariga qaradi. Fazoda bo'lganida u yangi skafandrning harakatchanligini sinab ko'rdi. Keyin Ayzekman Crew Dragon kabinasiga qaytib keldi, shundan so'ng Jillis 8 daqiqa davomida kema lyukidan tashqariga qaradi.

12 sentabr kuni Moskva vaqti bilan soat 13:12 da Polaris Dawn missiyasi sayyohlari Crew Dragon kemasining lyukini ochishdi va fazoga chiqishni muvaffaqiyatli boshlashdi. Tijorat ekipaji a'zolari koinotga chiqqan dunyodagi birinchi sayyohlar bo'lishdi.

11-sentabr kuni Yerning quyi orbitasida joylashgan Polaris Dawn missiyasining Crew Dragon fazoviy kemasi rekord darajadagi – 1400,7 kilometr balandlikka chiqdi. 1972-yilda AQSh Oyga oxirgi marta parvoz qilganidan beri odamlar bunchalik balandlikka ko'tarilmagan edi.

10-sentabr kuni SpaceX kompaniyasi Polaris Dawn turistik missiyasi ekipajini Crew Dragon boshqariladigan fazoviy kemasi bilan Falcon 9 raketasi vositasida koinotga olib chiqdi, deb xabar beradi lenta.ru.