Kecha faraz, xayoliy orzu bo‘lib tuyulgan innovatsion g‘oyalar, yangi texnologiyalar ulardan elektr, issiqlik, yonilg‘i kabi energiyalarning hosil qilinishi hamda qo‘llanilishiga tayanch bo‘lyapti.
Yurtimizni Yaratganning o‘zi nechog‘liq siylagan bo‘lmasin, hayot va taraqqiyot har bir tabiiy ne'matni qadriga yetishni, kelajak avlodlar oldidagi mas'uliyatni ham unutmaslikni taqozo etadi.
Abdurauf Qorjovovning ushbu kitobidan joy olgan mulohaza, maqola va suhbatlarning aksariyati “Yangi O‘zbekiston” gazetasi va boshqa nashrlarda chop etilgan. Ular siz muhtaram o‘quvchilarni ham qiziqtirib, bilim va dunyoqarashingizni boyitishga baholi qudrat hissa qo‘shadi, degan umiddamiz.