Energetika vazirligi shtabi tomonidan 2022-yil aprel oyining 1-26 kunlari davomida isteʼmolchilarning tabiiy gazdan foydalanish holatlari tahlil qilindi.
Oʻtkazilgan tadbirlarda, oʻtgan 26 kunda respublika boʻyicha 142 ta holatda ulurji isteʼmolchilar tomonidan amaldagi qoidalarga rioya etmagan holda 5 million 437 ming kub metr hajmdagi tabiiy gazdan noqonuniy foydalanish holatlari aniqlangan.
Buning natijasida, gaz taʼminoti korxonalari manfaatlariga 4 milliard 703 million soʻm zarar yetkazilgan.
Noqonuniy foydalanish holatlarining eng koʻpi – Buxoro, Jizzax, Namangan va Andijon viloyatlarida aniqlangan.
Aniqlangan barcha holatlar boʻyicha tegishli hujjatlar rasmiylashtirilib huquqni muhofaza qiluvchi organlarga taqdim etilgan. Bu haqida Energetika vazirligi Matbuot xizmati xabar bermoqda.