Prezident ijarada yashaydigan talabalar uchun Hukumat dasturi tayyorlanayotganini maʼlum qildi.
“Bugungi kunda 130 mingdan ziyod oliygoh talabalari ijarada yashamoqda. Bu farzandlarimizga 1-maydan boshlab ijara toʻlovining yarmi davlat tomonidan qoplab beriladi.
Dastlabki bosqichda ushbu tizim orqali 60 ming nafar yoshlar qamrab olinadi. Shuningdek, ehtiyojmand talabalarga ushbu xarajatlar hokimliklar va oliygohlar mablagʻi hisobidan ham qoplab beriladi. Navbatdagi oʻquv yilida buning uchun 100 milliard soʻm ajratiladi.
Prezident tashabbusi bilan 4.4 trillion soʻm mablagʻ yangi yotoqxonalar qurilishiga yoʻnaltiriladi.
