Unga koʻra, oliy taʼlim tashkilotlarida kontrakt asosida oʻqish uchun toʻlov quyidagi muddatlarda amalga oshiriladi:
- toʻlov miqdorining kamida 25 foizi – abituriyentlar uchun 15-sentyabrgacha hamda yuqori bosqich talabalari uchun 1-oktyabrgacha yoki oliy taʼlim tashkiloti rektori tomonidan uzaytiriladigan muddatgacha;
- toʻlov miqdorining kamida 50 foizi 1-yanvargacha, 75 foizi 1-martgacha va 100 foizi 1-maygacha yoki oliy taʼlim tashkiloti rektori tomonidan uzaytiriladigan muddatgacha amalga oshiriladi.
Davlat komissiyasi yuqoridagi toʻlov muddatlarini uzaytirishi mumkin. Hujjatda kontraktdan tushgan mablagʻlar xorijiy oliy taʼlim tashkilotlarida istiqbolli yosh pedagog va ilmiy kadrlarni malakasini oshirish va ularning stajirovka oʻtashlariga sarflanishi mumkinligi aytiladi.
Bundan tashqari, oliy taʼlim tashkilotlari oʻz talabalarini ijtimoiy muhofaza qilish doirasida 1-yilda bir nafar talabaga mehnatga haq toʻlash eng kam miqdorining 6 barobarigacha moddiy yordam koʻrsatishi mumkin boʻladi. Mazkur mablagʻ ham kontraktdan tushgan mablagʻlar hisobidan ajratiladi.
