Azimboy Saʼdullayev oʻzining boy ilmiy merosi, fidokorona mehnati, yuqori salohiyatli pedagoglik faoliyati, halolligi va insoniy fazilatlari bilan Vatanimiz va xalqimiz oldida beqiyos xizmat koʻrsatgan olim edi.
U tomonidan yaratilgan ilmiy maktab, yetishtirilgan shogirdlar va olib borilgan fundamental tadqiqotlar nafaqat yurtimizda, balki xalqaro miqyosda ham eʼtirof etilgan. Olimning “Koʻp kompleksli oʻzgaruvchili funksiyalar nazariyasi“ va “Kompleks potensiallar nazariyasi“ sohasidagi ilmiy ishlari dunyo matematiklarining hurmatini qozongan.
Azimboy Saʼdullayev Oʻzbekiston Respublikasi Faxriy yorligʻi, “Oʻzbekiston belgisi“ koʻkrak nishoni, “Mehnat shuhrati“ ordeni bilan mukofotlangan.
