Amerikalik tadbirkor Jared Ayzekman, AQSH Harbiy-havo kuchlarining isteʼfodagi uchuvchisi Skott Potit, muhandislar Anna Menon va Sara Gillis koinotga uchib ketdi. Ularni kemadan tashqariga chiqarish Polaris Dawn missiyasining asosiy maqsadlaridan biri hisoblanadi.
Missiya ishtirokchilari atigi besh kun ichida 40 ga yaqin tajriba oʻtkazishni rejalashtirmoqda.
Nashrga koʻra, Falcon 9 raketasi Crew Dragon kosmik kemasi bilan 10-sentyabr kuni 05:24 da (mahalliy vaqt bilan ) Floridadagi Jon Kennedi nomidagi kosmik markazidan uchirilgan. Polaris Dawn tijoriy missiyasi doirasida kema pastki Yer orbitasida amaliyot oʻtaydi.
Maʼlumot uchun, SpaceX asoschisi Ilon Mask Polaris Dawn kosmik ekspeditsiyasi ekipaji barcha mamlakatlarning yarim asrlik kosmik parvozlarida Yerdan eng uzoq masofada boʻlishini maʼlum qildi. Kema odamlar bilan 1400 kilometr past Yer orbitasini tark etadi. Taqqoslash uchun, Xalqaro kosmik stansiya taxminan 400 kilometr balandlikda Yer atrofida aylanadi.
