Oʻzbekiston – AQSH strategik sherikligida yangi imkoniyatlarning ochilayotgani qayd etildi. Vazir Amerikalik hamkorlarning nafaqat parlamentlararo doʻstlik rishtalarini ragʻbatlantirishda, balki biznes aloqalarni rivojlantirishdan tortib, taʼlimdagi sheriklikkacha boʻlgan koʻplab sohalarda ham qoʻllab-quvvatlayotganini qadrlashini bildirdi. Oʻzbekistonning AQSHning barcha shtatlari bilan, ayniqsa, iqtisodiy yoʻnalishda toʻgʻridan-toʻgʻri aloqalarni rivojlantirishdan manfaatdorligi taʼkidlandi, deb xabar beradi Tashqi ishlar vazirligi matbuot xizmati.