Baxtiyor Saidov Oʻzbekistonga Kreativ iqtisodiyot boʻyicha Butunjahon anjumanida ishtirok etish uchun tashrif buyurgan BMT Savdo va taraqqiyot konferensiyasi (UNCTAD) Bosh kotibi Rebeka Grinspan xonim bilan uchrashdi.
Bu haqda Tashqi ishlar vaziri Baxtiyor Saidov xabar berdi.
— Biz UNCTAD bilan hamkorlikni kengaytirish, investitsiya siyosati, tashqi savdo, barqaror iqtisodiy oʻsishni taʼminlash, mamlakatimizning Jahon savdo tashkilotiga aʼzo boʻlish jarayoniga koʻmaklashish va boshqa masalalarga eʼtibor qaratdik. Koʻplab istiqbolli yoʻnalishlarda faol hamkorlik qilishga kelishib oldik, — deydi Baxtiyor Saidov.
Fransiyaning Parij shahrida O'zbekiston tahlil markazlari delegatsiyasi “Markaziy Osiyodagi integratsiya jarayonlarining dolzarb masalalari va O'zbekiston va Evropa Ittifoqi o'rtasidagi muloqotni kengaytirish” mavzusidagi davra suhbatida ishtirok etdi, shuningdek, tashrif doirasida yevropalik hamkorlar bilan qator uchrashuvlar o'tkazildi.
Fargʻona viloyati hokimligi Janubiy Koreyaning AHA Co., Ltd kompaniyasi bilan maktablar uchun smart doskalar hamda elektromobillar uchun zaryadlovchi stansiya qurilmalarini ishlab chiqarish boʻyicha hamkorlik memorandumi imzolandi.
Kuni kecha “Oʻzbekiston texnologik metallar kombinati” AJ va Istanbul texnika universiteti oʻrtasida taʼlim va ilmiy tadqiqotlar sohasida hamkorlikni yanada rivojlantirish boʻyicha memorandum imzolandi.
Ekologiya, atrof-muhitni muhofaza qilish va iqlim oʻzgarishi vaziri Aziz Abduhakimov “Euronews” telekanali direktorlar kengashi raisi Pedro Vargas Devid bilan uchrashdi. Muzokaralarda Turizm qoʻmitasi raisi Umid Shodiev ham ishtirok etdi.
Moskva shahrida “Transport haftaligi – 2024” tadbiri oʻz faoliyatini boshladi. Rossiya Federatsiyasi Transport vazirligi tomonidan 17-marotaba tashkil etilgan tadbir doirasida “Transport-2024” forumi va koʻrgazmasi ham oʻtkazilmoqda.
Oʻzbekiston elchisi Alisher Toʻxtayev Pokistonning “Golden Ring Economic Forum” (GREF) tahliliy markazi raisi Sikander Afzal va markaz prezidenti Xasnain Reza bilan uchrashuv oʻtkazdi.
