Oʻzbekistonning Qozon shahridagi Bosh konsulxonasi Tataristondagi yongʻinda halok boʻlgan oʻzbekistonliklar boʻyicha maʼlumot berdi.
Maʼlum qilinishicha, shu yilning 24-dekabr kuni ertalab soat 3:00 larda Tatariston Respublikasida Yelabuga munitsipal tumanida joylashgan “MIR” chorvachilik fermasining inshootida yongʻin sodir boʻlgan.
Yongʻin oqibatida 5 nafar Oʻzbekiston fuqarosi (A.B. 1976-y.t., X.X., 1965-y.t., J.U., 1970-y.t., B.N., 1995-y.t. va S.D., 2002-y.t.) halok boʻlgan.
Bosh konsulxona holat nazoratga olinib, tezkor ravishda diplomatlar voqea joyiga safarbar etilgani va halok boʻlganlar jasadlari Vatanga qaytarish ishlarini tashkil etishga qaratilgan choralar koʻrilayotganini eʼlon qildi.
