Tayvan qirg'oq qo'riqlash xizmatining ma'lum qilishicha, Tayvan shimolidagi Tamsui qirg'oqlaridan olti dengiz mili (11 km) uzoqlikda shubhali kema aniqlangan. Taypey shahar markaziga olib boruvchi Tamsui daryosiga kirgandan so'ng, qayiq parom terminalida boshqa kemalar bilan qurshab olingan hamda Tayvanga kirish va chiqish qonunlarini buzgan shaxs xibsga olingan.
Sohil qo'riqlash xizmatini boshqaradigan Tayvanning Okean ishlari bo'yicha kengashi rahbari Kuan Bi-ling parlamentda jurnalistlarga, bu odam avval Xitoy dengiz floti kapitani bo'lib xizmat qilganini aytgan.
Tayvan mudofaa vaziri Vellington Ku ham parlamentda jurnalistlar bilan suhbatda, qayiqdagi hodisa Xitoyning orolga qarshi "kulrang zona" taktikasining yana bir namunasi bo'lishi mumkinligini aytdi.
Tayvan so'nggi yillarda Xitoyning "kulrang zona" urushi deb ataladigan urushdan, orol ustida suzuvchi kuzatuv sharlari kabi ochiq jangga murojaat qilmasdan, tartibsiz taktikalar bilan dushmanni charchash uchun foydalanayotganidan shikoyat qilgan.
– Bu kulrang zona taktikasi har doim mavjud bo'lgan. Biz doimo hushyor bo'lishimiz kerak va qarshi choralar ko'rish imkoniyatini istisno eta olmaymiz, – dedi Tayvan mudofaa vaziri Vellington Ku.
Avvalroq, Mart oyida ikki tayvanlik baliqchi Xitoy qirg'oqlari yonida joylashgan Tayvan nazoratidagi Kinmen orollari yaqinida Xitoy suvlariga adashib kirib kelishgani bo'yicha xabarlar e'lon qilingandi.
