Telegram platformasi har kuni foydalanish qoidalariga zid boʻlgan kontentga qarshi choralar koʻrishda faoliyat yuritmoqda. Kompaniya maʼlumotlariga koʻra, oʻn minglab kanal va guruhlar bloklanib, millionlab zararli kontentlar oʻchirilmoqda.
Telegramning moderatsiya siyosati noqonuniy faoliyatlarni, jumladan, bolalarga nisbatan zoʻravonlik, narkotik moddalar savdosi va zoʻravonlikka chaqiruvchi maʼlumotlarni tarqatilishini cheklashga qaratilgan. Bunda sunʼiy intellekt texnologiyalari hamda foydalanuvchilardan kelib tushgan shikoyatlar asosida ish olib boriladi.
Shu bilan birga, platforma tanqidlarga ham duch kelmoqda. Baʼzi kuzatuvchilarning fikriga koʻra, mavjud choralar hali yetarli emas va baʼzi hollarda zararli kanallar faoliyati uzoq vaqt davomida toʻxtatilmaydi.
Kompaniya oʻzining xavfsizlik siyosatini takomillashtirish va noqonuniy kontentga qarshi yanada qatʼiy choralar koʻrishni rejalashtirmoqda. Telegramning maqsadi – foydalanuvchilar uchun xavfsiz va qulay muhit yaratishdir.
