Tayyorlangan yem-xoʻrak, Metarhizium anisopliae va Baveriya tenella zamburugʻlari aralashmasi va Ferulla oʻsimligi poyasi yordamida ishlab chiqildi. Yem-xoʻrak, nam va qorongʻi joylarda termitlar tomonidan uyasiga olib ketildi va zamburugʻlar ular orqali tarqalib, termit oilasida kasallikni keltirib chiqardi. Ushbu jarayonning muvaffaqiyatli amalga oshirilishi, termitlarga qarshi biologik kurashni yanada samarali qilishga imkon yaratadi.
Shuningdek, Yangi turmush mahallasidagi aholi xonadonlari uchun tuproq ostidan ishlov berish qurilmasi qoʻllanildi. Ijektor usuli yordamida termitlar tomonidan zararlangan uylar tuproq ostidan xavfsiz tarzda ishlov berildi. Natijalar shuni koʻrsatdiki, ishlov berilgan uylar termitlardan himoyalangan, ishlov berilmagan uylar esa termitlar tomonidan zararlangan.
Ushbu innovatsion yechimlar, termitlarga qarshi kurashda yangi davrni boshlashga va binolarni samarali himoya qilishga yordam beradi. Bu yondashuv, nafaqat Xiva, balki butun Oʻzbekiston boʻylab termitlardan himoya qilishda muhim ahamiyatga ega.
