Atrof-muhit faollari Ilon Mask kompaniyasining ishlab chiqarishni kengaytirishiga to'sqinlik qilishni talab qilmoqda.

Berlin yaqinidagi Gryunxayde shahrida Tesla gigafabrikasi qurilishi 329 gektar maydonda keng ko'lamli o'rmonlarning kesilishiga olib keldi. Bu taxminan yarim million daraxtga teng, deb yozadi Britaniyaning The Guardian gazetasi Kayrros tomonidan o'tkazilgan sun'iy yo'ldosh tasvirlari tahliliga tayanib.

Ushbu ma'lumotlarga ko'ra, o'rmonlarni kesish 2020-yildan 2023-yilgacha davom etgan. Shu bilan birga, 2024-yil iyul oyida Brandenburg federal yeri hukumati Teslaning Yevropadagi yagona elektromobil zavodini kengaytirish rejasini ma'qulladi, ekologiya faollari bunga bir necha bor qarshilik ko'rsatdi, deb xabar beradi dw.com.