Kecha FIFA yilning eng yaxshi darvozaboniga topshiriladigan The Best sovrini uchun nomzodlar uchligini eʼlon qildi.
Yakuniy roʻyxatdan uch darvozabon – Yassin Bunu (Marokash, “Sevilya”/ “Al-Hilol”), Tibo Kurtua (Belgiya, “Real”) va Ederson (Braziliya, “Manchester Siti”) joy oldi.
Nomzodlar roʻyxatini shakllantirishda darvozabonlarning 2022-yil 19-dekabr kunidan 2023-yilning 20-avgust kuniga qadar natijalari inobatga olingan.
The Best sovrini uchun daʼvogarlarga muxlislar ham FIFA rasmiy saytida ovoz berishlari mumkin. Sovrin sohibi 15-yanvar kuni eʼlon qilinadi.
