Sogʻliqni saqlash vazirligining tegishli buyrugʻi bilan Asamutdinov Jaloliddin Sharafutdinovich Tibbiyot tashkilotlarini litsenziyalash va akkreditatsiyalash markazi direktori etib tayinlandi.
J. Asamutdinov 2005-yil Mirzo Ulugʻbek nomidagi Oʻzbekiston milliy universitetining bakalavriat, 2008-yil magistratura bosqichini tamomlagan.
Turli yillarda “Tashkent Healthcare“ MCHJ rahbari, “Ask Doctor“ MCHJ direktori, Sogʻliqni saqlash vazirligining Litsenziyalash, akkreditatsiyalash va tibbiy turizmni rivojlantirish boshqarmasi hamda Davlat-xususiy sheriklik, tibbiy turizm va xususiy sektorni rivojlantirish boshqarmasi boshligʻi kabi masʼul lavozimlarda ishlagan.
Fozilov Botirjon Olimjon oʻgʻli — Oʻzbekiston Respublikasi Madaniyat vazirligi huzuridagi Oʻzbek milliy maqom sanʼati markazi matbuot xizmati rahbari — Bosh direktorning axborot siyosati masalalari boʻyicha maslahatchisi lavozimiga tayinlandi.
Baxriddinov Zuxriddin Baxriddin oʻgʻli Namangan viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – viloyat iqtisodiyot va moliya bosh boshqarmasi boshligʻi etib tayinlandi.
Djoʻrayev Shuhrat Xoʻjamberdiyevich viloyat hokimining qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari vazifasini bajaruvchisi etib tayinlandi.
