“Industrial Internet of Things – iqtisodiy oʻsish omili” davra suhbatida taʼkidlanganidek, zamonaviy dunyoda IOT (Industrial Internet of Things) sanoat va texnologiyani oʻzida mujassamlashtirgan soha hisoblanadi. U real vaqt rejimida mashinalar, uskunalar va ishlab chiqarish jarayonlarining ishlashi toʻgʻrisidagi maʼlumotlarni toʻplash imkonini beradi. Ular uskunaning ishlashini optimallashtirish va yaxshilash, shuningdek resurslarni tejash uchun ishlatiladi.
IOT iqtisodiy oʻsishning asosiy omilidir. Bundan tashqari, u innovatsion mahsulot va xizmatlarni yaratish uchun yangi imkoniyatlar ochadi.
Tadbirda Oʻzbekiston Respublikasi raqamli texnologiyalar vaziri Sherzod Shermatov, Future Tech IOT — AI — Cybersecurity, Bond Communications kompaniyasi direktori Mitchell Mobayed, “Sergek” asoschisi Asset Axmetov, va boshqa Mitsubishi korporatsiyasi vitse-prezidenti Yasunori Sakamoto, Digitex kompaniyasining strategik hamkorlik boʻyicha vitse-prezidenti Leonid Biletskiy, BIKAL bosh direktori Raj Sandxu, Huawei simsiz texnologiyalar boʻyicha ekspert Shuhrat Mirzayev, KPMG Technology Consulting Group direktorining Markaziy Osiyo va Kavkaz boʻyicha oʻrinbosari Davron Abdumoʻminovlar qatnashdi. IDC vitse-prezidenti Andrey Beklemishev moderator sifatida ishladi.
Maʼruzachilar sanoat buyumlari internetini rivojlantirishning asosiy iqtisodiy foydalari, uni rivojlantirishning mehnat unumdorligiga, tannarxini pasaytirishga va ishlab chiqarish samaradorligiga taʼsirini muhokama qildi.
Bundan tashqari, IOTni rivojlantirish uchun eng katta salohiyatga ega boʻlgan iqtisodiyot tarmoqlari haqida soʻz yuritildi, deb xabar beradi Investitsiyalar, sanoat va savdo vazirligi matbuot xizmati.
Birinchi boʻlib Oʻzbekiston Respublikasi raqamli texnologiyalar vaziri Sherzod Shermatov soʻzga chiqdi. U oʻz soʻzini Oʻzbekiston aholisining bir necha yil oldingi va hozirgi tezligini taqqoslashdan boshladi:
“Besh-olti yil avval internet juda qimmat edi, yuqori tezlikdagi internet boylarning imtiyozi edi. Lekin biz uni hamma uchun ochiq qildik”, — deydi Shermatov.
U kelajakdagi rejalari haqida ham gapirar ekan, mamlakatning borish qiyin boʻlgan hududlarini yuqori tezlikdagi internet bilan taʼminlash boʻyicha yangi loyihalarga sarmoya kiritish kerakligini taʼkidladi.
Respublikada 5G Internet hali rivojlanish bosqichida va faqat Samarqand ham Toshkentda mavjud. Ammo yaqin kelajakda uni mamlakat boʻylab rivojlantirish rejalashtirilgan.
Future Tech IOT — AI — Cybersecurity, Bond Communications direktori Mitchell Mobayed Oʻzbekistonda ishlaganlik haqidagi taassurotlari bilan oʻrtoqlashdi:
“Bu yerda katta imkoniyatlar mavjud. Biz bir necha yillardan buyon Oʻzbekiston sarmoya sohasidagi sheriklikni qanday mustahkamlab borayotganini kuzatyapmiz. Ushbu hududda ishlayotganimizdan, yangi texnologiyalarni ishlab chiqishimiz va ularni amaliyotga tatbiq etishimiz, ushbu hududning salohiyatini maksimal darajada oshirishimizdan juda xursandmiz”, — deydi u.
KPMGning Markaziy Osiyo va Kavkazdagi texnologiyalar boʻyicha maslahat guruhi direktori oʻrinbosari Davron Abdumoʻminov Oʻzbekiston iqtisodiyoti IOTni joriy etishga tayyorligini taʼkidladi. Biroq, buning uchun yuqori malakali mutaxassislar kerak, chunki IOT maʼlumotlar toʻplami boʻlib, tajriba talab qiladi.
“Sergek” jamoat va yoʻl harakati xavfsizligi intellektual tizimi asoschisi Asset Axmetov Oʻzbekistondagi faoliyatidan koʻzlangan maqsadlarga toʻxtalib oʻtdi.
“Bu yerda ishchi loyihamiz bor. U kichik, lekin u allaqachon mavjud va ishlaydi. Toshkent shahrining oʻzi biz uchun juda muhim va mahsulotimiz bunga ijobiy taʼsir koʻrsatyapti. Bizning maqsadimiz xavfsizlik. Biz uni yuqori darajaga olib chiqishimiz mumkin. Butun dunyo uchun tendensiya shundaki, shaharlar aqlli boʻlishi kerak. Ishonchim komilki, biz Oʻzbekistonda oʻz biznesimizni rivojlantira olamiz”, — deydi Axmetov.
