Bu haqda mahalliy OAVlar xabar bermoqda.

“AQShda TikTokni taqiqlovchi qonun kuchga kirdi. Afsuski, bu siz hali TikTokdan foydalana olmasligingizni anglatadi”, deyiladi ilovaga kirishga harakat qilinganda.

Xizmat Apple ilovalar do'konidagi qidiruv natijalarida ham ko'rinmaydi. Xizmatni Google Play ilovalar do'konida yuklab olish mumkin, biroq o'rnatilgandan so'ng dastur ishlamaydi.

Xizmat bildirishnomada qayd etilishicha, AQShning saylangan Prezidenti Donald Tramp uning faoliyatini tiklash uchun yechim topishga va'da bergan. Avvalroq respublikachi NBC News telekanaliga bergan intervyusida 20-yanvardagi inauguratsiyadan so'ng darhol TikTokni taqiqlashni 90 kunga kechiktirish to'g'risida buyruq chiqarishga intilayotganini aytgandi. Ilova AQShning Sharqiy sohilida yarim tundan bir soat oldin ishlamay qoldi. Shu bilan birga, Amerikaning ba'zi hududlarida, shu jumladan Puerto-Rikoda ham taqiq kuchga kiradigan kun allaqachon yetib keldi, deb xabar beradi report.az.