Tojikistonning energiya ta'minoti bilan bog'liq vaziyat qo'shni O'zbekistondan elektr energiyasi yetkazib berilishi bilan biroz yaxshilandi, deb xabar berdi mamlakat energetika va suv resurslari vazirligi “Aziya Plyus” nashriga.
Hozirda Tojikiston kuniga 2 million kVt/soatgacha elektr energiyasi olyapti, agar O'zbekistonning quvvati oshsa, ta'minot hajmining ortishi kutilmoqda.
Bundan tashqari, energetika vazirligi energetika vazirlari darajasida Qozog'iston va Turkmanistondan elektr energiyasi yetkazib berish bo'yicha dastlabki kelishuvlarga erishilganini ma'lum qildi. Hozirda ushbu mamlakatlardan ta'minot bilan bog'liq texnik muammolarni hal qilish bo'yicha ishlar olib borilmoqda.
Tojikiston tashqi bozorlarga faqat mamlakatning janubi-g'arbiy qismida O'zbekiston elektr tarmog'i (500 kVt quvvatga ega Regar-Guzar elektr uzatish liniyasi) orqali kirish imkoniyatiga ega. Turkmaniston va Qozog'iston elektr energiyasi tranzitini ta'minlash uchun O'zbekiston elektr tarmog'ining quvvatini hisobga olgan holda muvofiqlashtirish zarur.
Energetika vazirligi bu kabi muammolarni avtomatik ravishda hal qilish imkonini beruvchi Tojikiston energetika tizimining Markaziy Osiyoning Yagona energiya tizimi doirasida parallel ishlashi respublikaning shimoliy liniyalari mintaqaviy “energiya halqasi”ga ulangandan so'ng yo'lga qo'yilishi ma'lum qilindi.
2026-yilning birinchi choragida Tojikistonning Yagona energiya tizimiga to'liq ulanishi kutilmoqda, deb xabar berdi asiaplustj.info.
