29-aprel kuni Rossiya Federatsiyasining Tojikistondagi elchisi Semyon Grigoryevga Tojikiston Tashqi ishlar vazirligining “Rossiya Federatsiyasi hududida Tojikiston Respublikasi fuqarolariga nisbatan keskin salbiy munosabatning ommaviy namoyon bo'lishidan, shuningdek, ularning huquq va erkinliklarining keng miqyosda buzilishidan jiddiy xavotir bildirilgan notasi taqdim etilgan”.

Notada “bunday harakat faqat Tojikiston fuqarolariga nisbatan qo'llanilayotgani, bu tojik-rus munosabatlari ruhi va an'analariga umumandan mos kelmaydi”, deyiladi.

Bir kun avval Tojikiston TIV rasmiy vakili Shoxin Samadi TASS agentligiga Moskva aeroportlarida qolib ketgan mamlakat fuqarolari bilan bog'liq vaziyatni izohlab, uni murakkab deb atadi. Uning so'zlariga ko'ra, 27-aprel kun yakuniga ko'ra, Vnukovo aeroporti fuqarolarni vaqtincha saqlash zonasida 954 nafar Tojikiston fuqarosi bo'lgan. Uning so'zlariga ko'ra, xuddi shunday holat Moskvaning boshqa aeroportlarida – Jukovskiy, Domodedovo va Sheremetevoda ham kuzatilmoqda, fuqarolarni vaqtincha saqlash zonalarida o'nlab Tojikiston fuqarolari qolib ketmoqda, deb xabar beradi tass.ru.

Rossiya Tashqi ishlar vazirligi rasmiy vakili Mariya Zaxarova avvalroq Rossiya hududiga kirib kelayotganlarni sinchiklab tekshirish vaqtinchalik ekanligini va bu jarayon millatidan qat'i nazar o'tkazilishini ta'kidlagan edi. Uning ta'kidlashicha, “Rossiya tomoni mavjud vaziyatni imkon qadar tezroq hal qilish uchun to'liq choralar ko'rmoqda”.