“Zilzila o'chog'ida 3-4 ball, Rasht tumanida esa 3 ballni tashkil etgan. Dastlabki ma'lumotlarga ko'ra, zilzila oqibatida qurbonlar va vayronalar yo'q”, deya ta'kidladi Favqulodda vaziyatlar va fuqaro mudofaasi qo'mitasi. Yer silkinishlari mahalliy vaqt bilan 05:44 da qayd etilgan.

Respublika Milliy fanlar akademiyasi Geofizika xizmati ma'lumotlariga ko'ra, zilzila epimarkazi Dushanbe shahridan 156 kilometr shimoli-sharqda, Rasht tumanidan 18 kilometr sharqda joylashgan.

Bir kun avval Tojikistonda to'rtta marta zilzila qayd etilgan edi. Ulardan birinchisining epimarkazi Dushanbe shahridan 160 kilometr shimoli-sharqda va Rasht tumanidan 21 kilometr sharqda joylashgan. Zilzila kuchi epimarkazda 5-6 ball, Rasht tumanida 4-5 ball, Dushanbeda 3 ballni tashkil etgan. Keyinchalik kichikroq magnitudali yana uch bor zilzila qayd etildi.

Ushturpast qishlog'ida sodir bo'lgan birinchi zilzila oqibatida uy devori ostida qolib ketgan uch yoshli bola halok bo'ldi. Bundan tashqari, dastlabki ma'lumotlarga ko'ra, Tojikistonning ikki tumanida 100 ga yaqin turar-joy binolari vayron bo'lgan, yana bir necha o'nlab binolar va yordamchi inshootlar zarar ko'rgan, deb xabar beradi tass.ru.