Unda ishtirok etgan hamyurtimiz Safiya Burxanova 14.78 metr natija bilan oltin medalni qoʻlga kiritdi. Taʼkidlash kerakki, bu mavsumdagi eng yaxshi natija sifatida ham qayd etildi. Ikkinchi oʻrin italiyalik Assunta Legnatega (14.62) nasib etgan boʻlsa, meksikalik Rebeka Alvares (13.72) kuchli uchlikka yakun yasab berdi, deb xabar beradi Milliy olimpiya qoʻmitasi matbuot xizmati.
Eslatib oʻtamiz, Safiya Burxanova Rio-2016 yozgi Paralimpiya oʻyinlarida kumush medalini qoʻlga kiritgan edi. Shu tariqa delegatsiyamiz hisobidagi medallar soni 17 taga yetdi: 7 ta oltin, 4 ta kumush va 6 ta bronza.
