Bu haqda "Oʻzbekiston aeroportlari" kompaniyasi axborot xizmati xabar berdi.
“Oʻzbektelekom” kompaniyasi bilan birgalikda aloqa kanallarini ulash va jihozlarni oʻrnatish boʻyicha barcha ishlar yakunlandi, terminal majmuasining butun hududi — Wi-Fi tarmogʻi bilan joʻnab ketish va uchib kelish zallari toʻliq qamrab olindi.
Internetga ulanish uchun aeroportga tashrif buyuruvchilar #TASAirportUzcloud Wi-Fi tarmogʻini qidirib topishlari va “Ulanish” tugmasini bosishlari kifoya. Tizim foydalanuvchilarni avtorizatsiya sahifasiga yoʻnaltiradi va u erga siz mobil telefon raqamingizni kiritishingiz kerak boʻladi. Avtorizatsiyani tasdiqlash uchun koʻrsatilgan raqamga SMS habar yuboriladi.
Shundan soʻng, tizim pullik va bepul kirish imkoniyatlarini taklif etadi. Agar siz tizimdan bepul foydalanishni tanlasangiz, tizim uchta qisqa reklamani koʻrsatadi, shundan soʻng internetga kirishni taʼminlaydi. Pullik xizmatni tanlasangiz, tizim tegishli tarif rejasini tanlashni taklif qiladi va toʻlov amalga oshirilgandan soʻng tarif rejasiga muvofiq vaqt uchun cheksiz Internetga kirish taqdim etiladi.
