Mazkur ko‘krak nishoni bilan yuridik ta’lim va fan rivoji, universitet faoliyat samaradorligi hamda nufuzini oshirishda munosib hissa qo‘shib kelayotgan, shu bilan birga qonun ijodkorligi va huquqni qo‘llash sohasini rivojlantirishda yuqori natijalariga erishgan, ko‘p yillik ish tajribasi va yuqori kasb mahoratiga ega bo‘lgan Toshkent davlat yuridik universiteti faxriylari, xodimlari, talaba va doktorantlari hamda hamkor tashkilotlar, jamoatchilik vakillari, shuningdek, universitetning xorijiy hamkorlari taqdirlanadi.

Ko‘krak nishoni bilan taqdirlash uchun nomzodlar universitet prorektorlari tomonidan taqdim etiladi. Yoshlar bilan ishlash bo‘yicha prorektor ularni umumlashtirib, rektorga taqdim etadi. Nomzodlar rektor tomonidan ko‘rib chiqiladi. Ko‘krak nishoni bilan taqdirlash bo‘yicha rektorning tegishli buyrug‘i imzolanadi.

Eslatib o‘tamiz, bir shaxs ko‘krak nishoni bilan bir marta mukofotlanadi.

Toshkent davlat yuridik universiteti

Jamoatchilik va OAV bilan aloqalar bo‘limi